《今生是第一次》

《今生是第一次》

呢套係一套幾近乎日劇感覺嘅一套韓劇。雖說依然係愛情主導嘅一套劇集，但裡面包含一啲現今韓國社會、甚至可能其他國家都有有出現嘅現象同風氣，例如：樓奴、不婚主義與傳統主流之對抗、女性在職場男權主義當導下所受到的不公平對待、在適婚年齡下欠缺自置物業、男女對結婚需求不同、合約婚姻等問題，一一都有喺呢套劇度呈現出黎。雖然冇日本咁深入去討論或沉重地表達，但編劇和導演都有為觀眾帶黎一個新角度，去睇所有問題和關係，再去詮釋生存嘅意義 ─ 正是劇中有意無意多次道出的「YOLO: YOU ONLY LIVE ONCE」...呢套劇正係俾活在呢個世代、呢個瞬間嘅我地，一碗小小嘅心靈雞湯。無論當下所面對所遇到嘅問題同障礙係啲乜，希望都能夠奮勇向前，反正，今生我地都只係第一次。

特別喜歡女主喺海邊對男主嘅一段對白：

「就算以前見過大海
但今天看到的這片大海 也是第一次
就算都了解 都曾做過
每個瞬間 跟那個人所做的一切
都是第一次
我認為不是任何人的錯
只是 變成了那樣而已
就像那其中的一些會直接飄走 還有一些會碎掉
只是變成了那樣而已
所以 世熙你也不要太擔心了
即便活過昨天」

《你也是人類嗎？》

《你也是人類嗎？》

有冇睇《奶酪陷阱》之後被男二徐康俊圈粉嘅朋友呢？《你也是人類嗎？》早果排電視台都有播，喺朋友嘅推介下，我梗係唔等電視續集續集咁睇啦～根據朋友吸引我去睇當日嘅描述，呢套劇嘅賣點係機械人接觸同學習人類生活之餘，偶爾會偷雞行使只有佢先做到嘅能力。當時我朋友講緊嘅就係男主有好幾場戲善用左佢可以Hack左入交通燈系統嘅功能，簡稱出蠱惑，係可愛嘅呢件事，例如男主為左令媽媽唔駛等咁耐紅燈 可以快過馬路、有壞人追果陣就轉返紅燈、追嬲豬嘅女主果陣都好有用...

其實全劇喺其他唔同部分都出現左唔少呢d猶如有超能力一樣、打鬥飛車、入火場救人、屢救女主嘅超級英雄等戲碼，咁樣嘅人設之下，男主本身已經相當之吸引。除此之外，我覺得呢套劇仲有好多值得推薦嘅元素，例如:

- 其實由一人分飾兩角: 人類南信同機械人南信已經好考徐康俊嘅功力，尤其係當人類南信開始嫉妒機械人南信嘅部分
- 男女主感情戲以外嘅兄弟情、親情戲都相當好睇，因為除左講人工智能同人類建立起嘅情感以外，仲多左一份矛盾喺入面，就係機械人南信始終都係機械人，而真實嘅人類南信又仲生勾勾喺度。隨著機械人南信嘅善良，又日漸人性化，但終究都只係一個代替品，而心存愧疚，尤其係兩位南信嘅阿媽，我最敵不過親情戲T_T
- 真心，呢套劇嘅壞人真係壞到一點，可以直接落地獄果種
- 呢部戲用而家D妹妹們好鍾意嘅一個TERM黎形容，好虐心，尤其係機械人南信嘅情感部分
- 我覺得呢套劇有別於一般涉及人工智能嘅題材，劇中人工智能並冇要取代人類之意，反之突出人心有時可能比人工智能更可怕

《身後的陶斯》

《身後的陶斯》

【材料】

- 任職國情院情報員嘅男主角 (蘇志燮 飾)
- 男主角鄰居、打工王上身嘅女主角 (鄭仁仙 飾)
- 女主角與過身丈夫所生嘅一對龍鳳胎
- 包括男女主在內嘅屋苑「揍仔情報兵團」簡稱: KIS
(有家庭主婦s, 亦有揍仔公 x 2)
- 真 ‧ 國情院主線任務:
追查 「無間道」+ 揭發貪污政府高官

由《主君的太陽》起，我一直都幾留意蘇志燮呢個Artist，不論係佢嘅電影或者係佢Rap嘅歌。《身》係蘇志燮最近期嘅一部電視作品，雖然話係套愛情劇，但從第一集到劇終，都冇出現過一場吻戲，極其量都只有互擁鏡頭。咁呢部戲嘅賣點係咩呢？

故事講述男主喺一次任務當中愛上北韓出身的核子物理學家線人，喺任務快將完結之際，線人被殺, 男主被行動Leader誤以為變節，繼而四圍隱姓埋名，但其實暗地裡依然調查背後主謀。隨著女主老公意外捲入貪污高官暗殺事件而被滅口後，男主為了調查女主老公死亡內幕自願當龍鳳胎的保母，以保母身份融入女主家中...

【湯底帶有...】
- 少有喺愛情劇中出現嘅緊張正邪追逐情節，打鬥、槍戰、潛入、爆破有齊，堅緊張，緊張程度不少於警匪片或初階懸疑片
- 男女主角喺驚險又搞笑嘅相處過程中，建立起互相倚靠嘅情感，不知不覺間為兩人各有喪偶嘅傷口療傷
- 人設上有啲似《這個殺手不太冷》Jean Reno嘅蘇生同女主對龍鳳胎嘅互動，一時揸槍飛車型到核爆，一時又見到玩具槍都已經驚到不知所措、陪玩煮飯仔😂…刻畫出蘇生嘅反差萌，再加埋小演員們嘅天真演繹，帶出左唔少溫馨感人又窩心嘅情節
- 女主飾演者鄭仁仙開頭睇佢唔算係好charm，屬於越睇越有驚喜。「師奶」人設加演技意外地帶出左效果，角色柔情又堅強，少量偶發聰明。佢曾經喺一個訪問裡面形容所演嘅角色:「高愛琳是立體的人物，很難體現，說實話是感覺不到極限而拍攝的...影片描寫了兩個孩子的母親，也是失去丈夫後必須鬥爭的樣子。雖然擁有這樣的敘事，但必須擔任愉快的角色，高愛琳是一個倔強的角色。」 ( 原文網址：https://kknews.cc/entertainment/yr9vvzn.html ) 而事實上佢只係一位27歲嘅90後, 但演起人妻、母親起上黎都相當有內容。

- 女主 +「揍仔兵團」多次意外地協助國情院行動當中嘅笑料
- 女主再出返黎做野之後嘅第一個老闆 (《Go Back夫婦》孫浩俊 飾) 人設特別，而且同男女主所建立起黎嘅友誼都相當好搞笑好睇，有血有淚
- 男主喺女主娘家一段戲，以及KIS內另一位湊仔公(姜其永 飾) 呢個人物都非常好笑

前設

是對的，看劇集都有一定的前設，尤其在研究不同國家的流行電視劇。在我所認知當中，大概廿多年前，在日劇橫行亞洲時，韓國文流曾短暫的興起過。當日流行的組合成員，今天也成就為各大娛樂公司的老闆。我曾經都有留意過，組合JTL呀、H.O.T.、甚至電視劇《浪漫滿屋》、電影《假如愛有天意》 、《我的野蠻女友》...正當日本文化如此大行其道的時候，我對第一次的韓國並不有太大好感。大概更心存貶意，總覺韓國文化就是有點土，韓劇就等如煽情、誇張、暴力，動不動就要把主角描寫成快要哭盲…即使後來滿城興起《大長今》熱潮也好，我都沒看過多少集。但當時而世逆，韓流都成為亞洲的指標時，從前土土的形象，都已經成了大眾爭相仿傚和追捧；成了大家討論潮流時，二話不說放在嘴邊的用詞。可直到今時今日，即使已對大韓文化有所改觀，我都只會極其量內斂地躲在家裡暗裡喜歡， 不想顯露太花痴的模樣…「歐巴呀~~~!」、「歐尼~」這種花痴程度我可真是躲進黑洞裡去。所以說，當我是「很少女地」連續看十套韓劇時，那就已是我最誇張地，真的在家宅…呀！應該是用「腐」來形容之下，所進行的一個小Project。



所謂的一月十套韓劇，很抱歉，選材方面我還是因應著我個人喜好而選，是非常通俗的選擇，並沒有挑選題材凝重而深入的作品。因為我喜歡在細微中發現最普通文化，同時亦非常重視娛樂性。這幾十年來，韓劇的而且確從上述般，把「煽情」爐火純青地煉成情感表達的高手。


 儘管日劇同樣以情感細膩見稱，可在兩國文化之間對比，日劇是相對地含蓄而抑鬱；而韓劇卻是有修飾而不誇地表達角色所有的情感。從前可能會是給人感覺誇張, 現在可已是拿捏得準成而到位。在這之前, 相信一定有過不少研究亞洲文化的, 已做過為何大韓文化在這十年間急速興起的研究, 甚至研究他們怎麼連本來是強勢的日本文化都能蓋過...



至於製作方面, 我挺喜歡韓國電視劇的製作文化。由獨立製作公司, 個別地與導演、編劇及電視台以合作形式製作電視劇, 電視台亦會定期公開招募劇本, 為編劇界帶來新血, 讓業餘、甚至來自不同年齡、界別人士, 也能成為編劇。更值得欣賞的是, 韓國對編劇的尊重, 是可與導演比美, 更以「作家」敬稱編劇們。與其說是韓國文化好, 倒不如說是對香港大台電視劇壟斷式製作看不下去。


 扣除中途看過數部電影和外出時間，大概整整一個月內，我終於看畢了10套韓國電視劇。10套都是韓國最手到拿來的愛情劇，而我在大多數韓國愛情劇的簡介當中，最常看到的描述就是說該劇有一個新穎題材 / 人設，然後就展開一段浪漫 / 治癒的愛。是的，韓國愛情劇是潛有大概的公式，例如網上一定能找到的，第8集開始撒糖有吻戲之類...大可以說，韓國愛情劇是真的換湯不藥，但不得不承認的一件事是，不同的材料去煲那碗湯，的確是會有不同的「化學作用」。而作為觀眾, 除了可以在每部劇集中得到娛樂，亦相信會從不同的亮點中，得到不同的養份。



在我挑選這10套韓劇時，而所有劇介均是本人以非專業角度分別，純粹消遣而並不想深陷反思太沉重的背後意思 (我反而比較喜歡從劇中意外體會到當下韓國生活文化)，所以大多數都具備了很重的娛樂成份或題材吸引。更有的是我欣賞完一部劇後，追看某位演員或導演的其他作品。所以10部作品當中，並不是每一部都值得推介，追看只屬個人喜好。



※ 不一定會介紹全部十套 ※

※ 不一定每套都會以同等字數篇幅介紹 ※

※ 欲知道詳盡故事簡介可問Google / 維基，而我只討論湯底，盡量不劇透 ※

文字企劃

大概從16年開始吧, 我就有在一個像Forum形式的交友app裡寫不同電影閱後感，最近更開始寫韓國電視劇跟與歌有關的故事。直到了最近那app本來有可能會關閉的關係，我開始又像怕HKFLASH日記部會關閉的那樣，開始了想要幫自己把寫過的文章搬家跟留一個底。然後我就開始找回自己的部落格，嘩塞…原來我上一篇部落格已經是在2011年…大概是因為我在那天開始工作，也建立了在Facebook和Instgram裡作微Blog的習慣，所以我又再一次的，把自己的部落格遺忘了。雖然我是挺相信Blogger有機會比Instagram更有可能先關閉，可我一想到我將要在一個地方裡要發佈長篇幅的內容，我就決定還是把那些電影、劇集的閱後感，還有與歌有關的故事文案，一個一個的搬到這裡吧！又如果，我累積了一點點自信的話，那我可能再試試更多在不同的平台，張貼一下我那些不同類型的文案吧！畢竟我的文筆都比較業餘，分析也只從個人角色出發，不夠專業（笑）。

題外話，相對在7,8年後再看回之前的部落格，感覺有一點奇怪跟奇妙。一來覺得不明為甚麼從前可以有這麼的不要臉把甚麼的感受、事無大小都放在部落格；二來是欣賞昔日的自己比長大以後的自己更勇敢的把自己的感受說出來；三來是發現了，原來那時候有這麼多值得珍惜的東西，慶幸自己有把他們通通都紀錄下。

又題外話，很高興HKFLASH還一直在經營。這7,8年來，其實我偶許都會跑去探望一下以前的自己，也說明那時候說好要把日記們搬家到這裡的任務一直都沒有完成。（笑）